Kolåstinden og Kolåsbreen
Onsdag 22.august var eg, Jan Peder og Arild på Kolåsbreen og Kolåstinden.
Skodda låg tett då vi starta turen, men vi skulle ikkje så høgt opp før vi kom over skodda og fekk ei fantastisk utsikt. Det hadde vore kjølig og doggen låg tjukk på gras og tre, og edderkoppnetta var utrulig flotte.....
Når vi hadde kome eit stykke oppom Bjønnanakken og nærma oss "steinen" byrja vi å sjå fjella gjennom skoddehavet.
Vel oppom skoddehavet tok vi oss ei pause og berre sat og naut utsikta..... Flott ka??
Etter pause med kjeks og sjokolade var vi klar for å gå vidare opp mot breen. Vi fylgde råsa under breen eit stykke innover og så gjekk vi rett mot nederste delen av breen. Utsikta vart betre og betre dess lenger opp vi kom.
Oppe ved breen tok vi på sele, stegjern og tau og så traska vi oss oppover breen, litt ned i sprekker og litt gjennom sprekker. Det låg veldig mykje snø oppå mykje av breen enno, så isen vert nok enno betre å gå på utover hausten.....
Eit par videosnuttar.....
På vår vandring så fann vi ei ski også..... og heldigvis for eigaren hadde ho skrive namnet sitt på skia så Arild tok skia på sekken og tok den med vidare i vår vandring oppover breen. Så denne skia har vore heilt på toppen.
Etter å ha utforska litt sprekker i breen gjekk vi vidare mot toppen av Kolåstinden. Som det går fram av neste bilde ligg det ca 1,5 meter snø oppå isen enkelte stadar.
Utsikt frå toppen av Kolåstinden
Videosnutt frå toppen