Kjerringa 1130 m.o.h.
Søndag 31.mai var det tid for årets første tur på Kjerringa. Vi starta frå Fyldalsheida og gjekk derifrå inn i Ljosådalen. Vi følgde så råsa opp på skaret mellom Grøthornet og Årseterhornet, og vidare råsa oppover ryggen av Årseterhornet. Nesten oppe på ryggen av Årseterhornet går råsa inn i sida mellom Årseterhornet og Kjerringa, men i dag låg der mykje snø og vi fann det ikkje heilt forsvarlig å gå inn der. Vi gjekk difor opp på toppen av ryggen og klivra oss ned på baksida og ned på snøen. Bratt, men greit å gå. Vi følgde fjellryggen nesten bort til Kjerringa, men siste stykket måtte vi ned på snøen før vi gjekk bratt opp mot toppen igjen.
Utsikta frå toppen var som vanlig flott, og til tross for litt vind lenger nede i sidene, var det vindstilt på toppen. Flott dag!